Құрметті ата-аналар!

Қазақстан Республикасы Білім және ғылым министрінің 2016 жылғы №26 бұйрығына сәйкес, жалпы орта білім беру ұйымдарында бірыңғай мектеп формасын сақтау міндетті болып табылады.

Мектеп формасына қойылатын негізгі талаптар:

1. Форманың түсі мектептің педагогикалық кеңесінде бекітіледі (қою көк түсті реңктер ұсынылады).

2. Ер балаларға – классикалық үлгідегі костюм (пиджак, жилет, шалбар), ақ жейде, қара аяқ киім.

3. Қыз балаларға – пиджак, жилет, белдемше немесе классикалық шалбар, ақ жейде, қара аяқ киім.

4. Белдемшенің ұзындығы тізеден қысқа болмауы тиіс.

5. Мектеп формасында діни немесе этномәдени ерекшелікті білдіретін элементтер болмауы қажет.

6. Спорттық киім тек дене шынықтыру сабақтарында ғана қолданылады.

7. Сыртқы киім, сәндік әшекейлер мен артық аксессуарларға шектеу қойылады.

Барлық ата-анадан оқушылардың мектеп формасын сақтауды және мектеп ережелерін орындауды қамтамасыз етулеріңізді сұраймыз.

Ізгі тілекпен,

Мектеп әкімшілігі